Óskemende karantın rejımin buzǵan 100-den astam adam jaýapqa tartyldy
16 sáýirden bastap koronavırýs ınfektsııasynyń taralýyn báseńdetý maqsatynda Shyǵys Qazaqstan aýmaǵynda karantın engizilgen bolatyn. Alaıda turǵyndar arasynda bekitilgen shekteýlerdi saqtamaıtyndar kezdesýde. Tártip saqshylary 20-22 sáýir aralyǵynda reıd júrgizip, zańdy attaǵandardy anyqtady.
«3 kún ishinde 102 adam karantın rejımin buzǵan. Onyń 69-yna eskertý jasalsa, 19-yna aıyppul salynyp, 14 adam ákimshilik qamaqqa alyndy», - delingen ShQO aqparat ortalyǵy taratqan málimette.
Sondaı-aq Óskemen qalasynyń mamandandyrylǵan ákimshilik sotynda eshqandaı ruqsat qaǵazynsyz mas kúıinde kóshede júrgen er adamnyń isi qaralǵan. Ol osyǵan deıin de birneshe ret ákimshilik quqyqbuzýshylyqqa jol bergen.
Sot sheshimimen qala turǵyny 3 táýlikke qamaldy.