Óskemende qar kóshkini qaýpine baılanysty eskertý jarııalandy
ÓSKEMEN. QazAqparat - Demalys jáne mereke kúnderi Óskemen qalasyna jaqyn qysqy demalys ortalyqtaryna demalýshylar aǵylyp keledi. Óskemen - Severnoe baǵytyndaǵy jol boıynda avtojoldarǵa kedergi keltiretin qar kóshkini qaýpi bar oshaqtar kóp, dep habarlaıdy QazAqparat.
Ondaı qaterdi boldyrmaý maqsatynda ShQO TJD «Qazseldenqorǵaý» Shyǵys Qazaqstan fılıaly atalǵan avtojoldyń 32-shaqyrymynda qar kóshkininiń aldyn alý boıynsha jumystar júrgizdi.
Jarylys uıymdastyrylyp, jınalyp qalǵan 1100 tekshe metr qar túsirildi.
Qazseldenqorǵaý mamandary qar jamylǵysy men taýlardaǵy qar qozǵalysyn turaqty baqylaýda ustap otyr. 3-5 táýlik ishinde qalyń jaýǵan qardan keıin qar kóshkini qaýpi baıqalady. Osy ýaqytta taýǵa shyǵýdan bas tartý kerek, al qajet bolǵan jaǵdaıda kóshkin qaýpi bar oshaqtardyń janynan ótý kezinde qaýipsizdik erejelerin saqtaǵan jón.
