Óskemende qańtar oqıǵasynda halyqty jappaı tártipsizdikke shaqyrǵan adamǵa úkim shyqty

ÓSKEMEN. QazAqparat – Qańtar oqıǵasy kezinde Óskemen turǵyndaryn jappaı tártipsizdikke shaqyrǵan adamǵa qatysty sot úkimi shyqty, dep habarlaıdy QazAqparat tilshisi.

ShQO prokýratýrasy baspasóz qyzmetiniń málimetine súıensek, er adam qańtar oqıǵasynda Óskemen halqyn jappaı tártipsizdikke barýǵa úndegen. Onyń isi qalalyq sotta qaralyp, 22 qyrkúıek kúni úkim shyqty.

«Aıyptalýshy QR Qylmystyq Kodeksiniń 272-baby 3-bóligi, ıaǵnı «Jappaı tártipsizdikke shaqyrý» boıynsha sotqa tartylǵan. Qylmystyq quqyq buzýshylyqtyń sıpaty men qoǵamdyq qaýiptilik dárejesine, isti jeńildetetin mán-jaılardyń bolmaýyna baılanysty sottalýshyǵa 8 aıǵa bas bostandyǵynan aıyrý túrindegi jaza taǵaıyndaldy. Úkim áli zańdy kúshine engen joq», - delingen aqparatta.

Eske salsaq, osyǵan deıin Óskemende qańtar oqıǵasyna qatysqan 13 adam sottalǵanyn habarlaǵan edik.