Óskemende qańtar oqıǵasyna qatysqan taǵy 2 adam sottaldy

ÓSKEMEN. QazAqparat – Óskemen qalasynda qańtar oqıǵasyna qatysqan taǵy 2 adam sottaldy, dep habarlaıdy QazAqparat tilshisi.

ShQO prokýratýrasy baspasóz qyzmetiniń málimetine súıensek, qalalyq sot eki aıyptalýshyǵa qatysty úkim shyǵardy.

«Er adamdar QR Qylmystyq Kodeksiniń 272-baby 2,3-bóligimen (Jappaı tártipsizdikke qatysý jáne shaqyrý) jáne 300-baby 2-bóliginiń 3-tarmaǵymen (Quramynda esirtki bar ósimdikterdi zańsyz ósirý) sottaldy. Sot sheshimi boıynsha bir aıyptalýshy 4 jylǵa, ekinshisi úsh jylǵa bas bostandyǵynan aıyryldy. Úkim áli zańdy kúshine engen joq», - delingen aqparatta.

Eske salsaq, osyǵan deıin Óskemende qańtar oqıǵasynda halyqty jappaı tártipsizdikke shaqyrǵan adamǵa úkim shyqqanyn habarlaǵan edik.