Óskemende qant baǵasyn kótergen kásipkerlermen jumys júrgizilýde
ÓSKEMEN. QazAqparat – Óskemen qalasynda qant baǵasyn qymbattatqan kásipkerler anyqtaldy, dep habarlaıdy QazAqparat.
Qazirgi ýaqytta qalalyq máslıhat depýtattary saýda oryndaryndaǵy azyq-túlik baǵasyna baqylaý júrgizýde.
«14 naýryzdan bastap shahardaǵy iri saýda núktelerinde áleýmettik mańyzy bar azyq-túlik taýarlarynyń baǵalaryn qadaǵalaýdamyz. Atap aıtqanda, «Sıtı», «Dos Nar» bazary, «Tıtan», «ADK», «Danıel», «Fresh market», «Kolos» jáne taǵy basqa saýda oryndarynda monıtorıng júrgizdik. Baǵany ruqsat etilgen shekten asyrǵandarǵa túsindirý jumystary júrgizilýde», - deıdi depýtattar.
17 naýryz kúni keı jerlerde qanttyń quny qymbattaǵany anyqtalǵan. Osyǵan oraı halyq qalaýlylary kásipkerlermen baǵanyń ósýine áser etken faktorlarǵa taldaý jasaýda.
