00:27, 25 Maýsym 2024 | GMT +6
Óskemende tátti saqtalǵan alyp qoıma órtendi
ÓSKEMEN. KAZINFORM — Óskemende iri qoıma órtendi. 1500 sharshy metrdi sharpyǵan jalyndy aýyzdyqtaýǵa poıyz tartylǵan.
Búgin Qazaqstannyń shyǵysynda órt sóndirýshiler angar úlgisindegi qoımadaǵy órtpen arpalysty.
Aldyn ala málimet boıynsha, Óskemen qalasynda kondıterlik ónimder janǵan.
Túngi 12-den ótkende ǵana tilsiz jaýdy óshirý múmkin boldy.
Ony aýyzdyqtaýǵa ShQO tótenshe jaǵdaılar departamentinen 16 tehnıka, 40-tan astam adam, sondaı-aq Qazaqstan temir jolynyń órt sóndirýshi poıyzy jumyldyrylǵan.
ShQO TJ departamentiniń bastyǵy Rashıd Blıalovtyń aıtýynsha, eshkim zardap shekpegen.
Órttiń aldyn ala sebebi — qurylys-montajdaý jumystaryn júrgizý kezinde órt qaýipsizdigi tehnıkasyn saqtamaý.
