Óskemende kámelet jasyna tolmaǵan eki qyz joǵalyp ketti
ÓSKEMEN. QazAqparat – Óskemen qalasyndaǵy jasóspirimder úıinen belgisiz baǵytta shyǵyp ketip, sol kúıi oralmaǵan eki qyz izdestirilýde, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 6 jeltoqsan saǵat 21.26 shamasynda «102» arnasyna jasóspirimder úıiniń tárbıelenýshileri Ananeva Arına Maksımovna men Kabanova Vıktorııa Sergeevnanyń joǵalyp ketkeni jaıly habar túsken.
Olar 5 jeltoqsan saǵat 19.30 shamasynda belgisiz baǵytta shyǵyp ketip, sol kúıi qaıtyp oralmaǵan.
«Arına 2003 jyly týǵan, 3-kýrs stýdenti. Boıy 150-155 sm, orta deneli, shashy men kózi qońyr tústi. Ústinde qara kúrte, qara djınsy jáne aq aıaq kıim bolǵan. Al Vıktorııa 2002 jylǵy, 2-kýrs stýdenti. Boıy 155 sm, orta deneli, shashy men kózi qońyr tústi. Ústine qyzyl kúrte, kók djınsy men aq aıaq kıim kıip shyqqan» dep habarlady vedomstvo ókilderi.
Qazirgi ýaqytta kámelet jasyna tolmaǵan qyzdardyń qaıda ekeni belgisiz. Olardy qalalyq polıtsııa basqarmasynyń barlyq jeke quramy izdestirýde.
Tártip saqshylary joǵalǵan qyzdar týraly kez kelgen aqparattan habardar azamattarǵa 8 (7232) 23-42-10, 23-42-02 nemese «102» jedel arnasyna habarlasýyn suraıdy.
