00:30, 21 Maýsym 2024 | GMT +6
Óskemende KamAZ-ǵa soǵylǵan jeńil kóliktiń jolaýshysy kóz jumdy
ÓSKEMEN. KAZINFORM – Óskemen qalasynda KamAZ-ǵa soǵylǵan jeńil kóliktegi jolaýshy oqıǵa ornynda qaza boldy.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 20 maýsym kúni keshki ýaqytta Jibek matalar kombınaty yqsham aýdanynda bolǵan.
«Saǵat 20.00 shamasynda Esenberlın dańǵylyndaǵy temirjol kópiri mańynda «KamAZ» jáne «Geely» markaly avtokólikteri soqtyǵysty. Sonyń saldarynan jeńil kólik jolaýshysy sol jerde qaza boldy. Túrli dene jaraqattary alǵan júrgizýshi medıtsınalyq mekemege jatqyzyldy», - dep habarlady vedomstvo ókilderi.
Atalǵan fakti boıynsha qylmystyq is qozǵalyp, tergeý áreketteri júrgizilýde.
