Óskemende KamAZ-ben jeńil kólik soqtyǵysyp, 1 adam mert boldy

ÓSKEMEN. QazAqparat – Óskemen qalasynda KamAZ-ben soqtyǵysqan jeńil kólik júrgizýshisi kóz jumdy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, jol-kólik oqıǵasy 18 qarasha kúni tańerteń Jibek joly kóshesinde bolǵan.

«Atalǵan kósheniń «Ertis Sıtı» turǵyn úı keshenine burylatyn tusynda Lada markaly avtokólik pen KamAZ soqtyǵysqan. Sonyń saldarynan jeńil kólik júrgizýshisi oqıǵa ornynda mert boldy. Atalǵan fakti boıynsha QR QK-niń 345-baby 3-bóligimen (Kólik tizgindegen adamnyń jol júrisi qaǵıdalaryn buzýy saldarynan abaısyzda adam ólimine ákep soǵýy) sotqa deıingi tergeý amaldary bastaldy», - dep habarlady vedomstvo ókilderi.

Birqatar sot-medıtsınalyq saraptama taǵaıyndalǵan. Sonyń qorytyndysy boıynsha protsessýaldyq sheshim qabyldanady.