Óskemende qalanyń ortalyǵynda ıesiz esek kóshe kezip júrgen
ÓSKEMEN. QazAqparat – Óskemen qalasynyń ortalyǵynda ıesiz esek kóshe kezip júrgen, dep habarlaıdy QazAqparat tilshisi.
Áleýmettik jelilerde jol boıynda ketip bara jatqan esektiń vıdeosy tarap ketti. Janýar júıtkigen kólikterdiń arasynda seskenbeı, jaıbaraqat júrgen.
Shyǵys Qazaqstan oblystyq Polıtsııa departamenti baspasóz qyzmetiniń málimetine súıensek, esektiń ıesi izdestirilýde. Esek Óskemen qalalyq PB PPB kavalerııalyq vzvodynyń atqorasyna qamaldy.
