Óskemende Qala kúni úlken kontsertpen aıaqtaldy

ÓSKEMEN. QazAqparat - Óskemende qalanyń 298 jyldyǵyna arnalǵan merekelik sharalar keshe, 8 qyrkúıek kúni estrada juldyzdarynyń úlken kontsertimen jáne otshashýmen aıaqtaldy, dep habarlaıdy QazAqparat altaynews.kz saıtyna silteme jasap.

Qala kúnine arnalǵan is-sharalar baǵdarlamasy aıtarlyqtaı aýqymdy boldy: kúrdeli jóndeýden ótken 12 aýlanyń úlken tanystyrylymy ótti. Sondaı-aq bir shaqyrymǵa júgirýden ashyq jarys, bal festıvali, halyq oıyndary, alýan túrli anımatorlar men balalarǵa arnalǵan attraktsıondar uıymdastyryldy.

Óskemende sondaı-aq «Altaı - túrki áleminiń altyn besigi» halyqaralyq ǵylymı-praktıkalyq konferentsııasy ótkenin habarlaǵan bolatynbyz. 

Merekelik sharalardyń shyrqaý shegi Respýblıka alańynda ótken estrada juldyzdarynyń úlken kontserti boldy. Onda Dastan Orazbekov, Álı Oqapov, Raım&Artýr, Zırýza sekildi shoý-bıznes ókilderi óner kórsetti.

«Jas daryn ıeleriniń jandy daýystaǵy ánderin tyńdaǵanyma qýanyshtymyn. Keshte eshqandaı fonogrammanyń bolmaǵanyna rıza boldyq. Jandy mýzyka ystyq emotsııalarǵa bóleıdi», - deıdi qala turǵyny Álisher Tólepbergenov.

Kontserttik baǵdarlama úzilissiz eki saǵatqa jalǵasty. Kelgender armansyz bılep pe qaıtty.  

Sońynda Óskemen aspanyn alýan tústi feıerverkter kómkerdi. 

Foto: altaynews.kz