Óskemende iz-túzsiz joǵalǵan áıeldiń denesi tabyldy
ÓSKEMEN. QazAqparat – Óskemen qalasynda iz-tússiz joǵalyp ketken 31 jastaǵy áıeldiń denesi tabyldy, dep habarlaıdy QazAqparat tilshisi.
ShQO Polıtsııa basqarmasy baspasóz qyzmetiniń málimetinshe, shahar turǵyny ótken jyldyń qazan aıynda joǵalyp ketken.
Polıtsııaǵa habarlasqan er adam jubaıynyń iz-túzsiz ketkenin jetkizgen bolatyn. Onyń aıtýynsha, áıeli Jańa Sogra aýdanyndaǵy dúkenge qaraı bet alyp, sol kúıi qaıtyp oralmaǵan. Tártip saqshylary birden jedel-izdestirý sharalaryna kiristi. Alaıda ony tabý múmkin bolmady.
«Arada jarty jyldan astam ýaqyt ótken soń áıel adamnyń denesi tabyldy. Máıitte zorlyq-zombylyq belgileri joq. Ólimniń naqty sebebin anyqtaý úshin sotqa deıingi tergeý amaldary aıasynda tıisti saraptamalar taǵaıyndaldy», - dep habarlady vedomstvo ókilderi.
