Óskemende iz-túzsiz ketken 7 jasar bala tabyldy
ÓSKEMEN. QazAqparat – Óskemen qalasynda iz-tússiz joǵalǵan bala tabyldy, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetine súıensek, 14 sáýir kúni «102» jedel arnasyna 30 jastaǵy jergilikti turǵyn qońyraý shaldy.
Áıeldiń aıtýynsha, onyń 1-synypta oqıtyn uly tańerteń mektepke ketken.
Sabaq aıaqtalǵannan keıin saǵat 12.15-te ájesiniń úıine qonaqqa barýy tıis bolǵan. Alaıda ol ájesine sol kúıi jetpedi.
Anasy balasyn óz betimen taýyp kórmek bolǵanymen odan esh nátıje shyqpaǵan.
Sóıtip ol amalsyzdan polıtsııa qyzmetkerlerinen kómek surady.
Polıtseıler dereý 7 jasar balany izdeýge kirisken.
«Janat Shaızoldanov pen Aıdyn Baqytbek oqýshyny sý qoımasynyń janynan tapty. Qazirgi ýaqytta bala ata-anasyna jetkizildi. Belgili bolǵandaı, ol anasyna eskertpesten joldastarymen serýendep ketken», - deıdi basqarma bastyǵy Andreı Mýla.
Aıta keteıik, jyl basynan beri barlyǵy joǵalyp ketken kámeletke tolmaǵan 24 bala tabyldy.
