Óskemende ıis tıgen 7 adam aýrýhanaǵa jetkizildi
ÓSKEMEN. QazAqparat – Óskemen qalasynda 7 adamǵa ıis tıgen, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, búgin birinshi qalalyq aýrýhanaǵa ıis tııý belgilerimen 7 adam, onyń ishinde 3 bala jetkizilgen.
«Anyqtalǵandaı, olar Mereı kóshesindegi jer úıde turady. Úıdegi pesh murjasynyń tazalanbaǵanyna 1 jyldan asqan. Sonyń saldarynan turǵyndarǵa ıis tıgen», - dep habarlady vedomstvo ókilderi.
Qazirgi ýaqytta 1985 jáne 1982 jylǵy eki áıel aýrýhanada jatyr. Qalǵandary medıtsına qyzmetkerleriniń tekserýinen keıin úılerine jiberildi.
Úı ıesine qatysty QR ÁQBtK-niń 410-baby 1-bóligimen ákimshilik is qozǵaldy.
