Óskemende ıesiz ǵımarattyń shatyryna shyǵyp ketken 9 jasar bala qutqaryldy
ÓSKEMEN. QazAqparat – Óskemen qalasynda ıesiz qalǵan ǵımarattyń shatyryna shyǵyp ketken 9 jasar bala qutqaryldy, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, 10 qarashada Bajov kóshesinde jalǵyz ózi oınap júrgen 9 jasar bala aǵashqa órmelep ekiqabatty ıesiz ǵımarattyń shatyryna shyǵyp ketken.
Aǵash butaǵy synyp ketip bala ózdiginen tómenge túse almaı qaldy. Osy kezde qas qaraıyp bara jatyr edi. 30 mınýt kútken bala aıqaılap kómekke shaqyra bastaǵan. Sol mańaıda ótip bara jatqan áıel estip qalyp, dereý qutqarýshylardy shaqyrdy. Oqıǵa ornyna jetken jedel-qutqarý jasaǵynyń qyzmetkerleri jyljymaly baspaldaqtyń kómegimen ǵımarattyń shatyryna kóterilgen.
«Qutqarýshylar balany arqanmen baılap, baspaldaqpen túsirdi. Osylaısha ol ana-anasyna aman-esen tapsyryldy», - dep habarlady vedomstvo ókilderi.
