Óskemende halyqaralyq izdeýde júrgen sheteldik ustaldy
ÓSKEMEN. KAZINFORM – Óskemen qalasynda alaıaqtyq jasaǵany úshin halyqaralyq izdeýde júrgen sheteldik ustaldy.
ShQO Polıtsııa departamenti baspasóz qyzmetiniń málimetine súıensek, ekstremızmge qarsy is-qımyl basqarmasynyń qyzmetkerleri jedel izdestirý is-sharalaryn júrgizgen.
- Sonyń nátıjesinde Óskemen qalasyndaǵy qonaqúılerdiń birinde shetel azamaty ustaldy. Ol 2025 jyldyń 1 aqpanynan bastap asa iri mólsherde alaıaqtyq jasady degen kúdikpen memleketaralyq izdeýde júrgen, - delingen aqparatta.
Qazirgi ýaqytta er adam ýaqytsha ustaý ızolıatoryna qamaýǵa alyndy. Sonymen qatar ony izdestirýdi bastaǵan elge ekstradıtsııalaýdy uıymdastyrý jumystary júrgizilýde.
Eske salsaq, osyǵan deıin polıtsııa Batys Qazaqstandaǵy jarylysqa qatysty túsinik bergeni habarlanǵan.