Óskemende Gematologııa ortalyǵy salynbaq
ÓSKEMEN. QazAqparat – Óskemen qalasynda Gematologııa ortalyǵy salynady, dep habarlaıdy QazAqparat tilshisi.
ShQO ákimi baspasóz qyzmetiniń málimetine súıensek, óńirde aldaǵy ýaqytta Gematologııa ortalyǵy boı kóteredi. Qazirde ortalyqqa medıtsınalyq mamandardy daıyndaý máselesi qarastyrylýda.
«Óskemende elimizdegi alǵashqy Gematologııa ortalyǵynyń qurylysy bastalǵan. Oblystyq Densaýlyq saqtaý basqarmasy bir aı ishinde shtattyq keste ázirleýi qajet. Bizdiń maqsatymyz – dárigerler men medbıkelerdi jilik maıyn transplantatsııalaý, transfýzıologııa jáne gematologııa baǵyttary boıynsha alys jáne jaqyn shetelderdiń jetekshi klınıkalarynda oqytý», - dedi aımaq basshysy Danıal Ahmetov.
Jobaǵa sáıkes atalǵan ortalyqta gematologııa, jilik maıyn transplantatsııalaý bólimi, sondaı-aq IGH patomorfologııasy, transfýzıologııa jáne KDZ zerthanalyq toby, PTR, FISh, genetıka zerttehanalary jumys isteıdi dep josparlanýda.
