Óskemende «Gazel» kóliginen bir tonnaǵa jýyq spırt tabyldy
ÓSKEMEN. KAZINFORM – Óskemen qalasynda polıtsııa qyzmetkerleri reıd barysynda júk kóligin toqtatyp, onyń júk salǵyshynan iri kólemdegi spırt quramdy suıyqtyqty anyqtady.
«Quqyqtyq tártip» jedel aldyn alý sharasy barysynda qala kósheleriniń birinde «Gazel» markaly avtokóligi toqtatylǵan. Kóliktiń júk salǵyshyn tekserý kezinde polıtseıler birneshe ydysqa quıylǵan, quramynda spırt bolýy múmkin suıyqtyqty tapty
Tárkilengen júktiń jalpy kólemi shamamen 1000 lıtr boldy.
- Qazirgi ýaqytta ónimniń shyǵý tegi men ony tasymaldaýdyń zańdylyǵy anyqtalady. Atalǵan derek boıynsha tekserý júrgizilip jatyr. Sonyń qorytyndysyna sáıkes protsessýaldyq sheshim qabyldanady, - dep habarlady Shyǵys Qazaqstan oblysy Polıtsııa departamentinen.
Eske salsaq, osyǵan deıin polıtsııa tarazdyqtarǵa mas kúıde kólik aıdaýdyń qaýpin vırtýaldy álemde kórsetkeni jaıly jazǵanbyz.
