Óskemende fıtnes-jattyqtyrýshy esirtki satyp kelgen
ÓSKEMEN. QazAqparat – Óskemen qalasynda esirtki saýdalaǵan fıtnes-jattyqtyrýshy ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, esirtki qylmysyna qarsy is-qımyl basqarmasynyń qyzmetkerleri «Qarasora» jedel aldyn alý sharasy barysynda Óskemende uzaq ýaqyt boıy marıhýana satýmen aınalysyp kelgen fıtnes-ortalyqtardyń biriniń jattyqtyrýshysyn qolǵa túsirdi.
«Jedel-izdestirý sharalary barysynda onyń esirtki saýdasyna qatysy bar ekendigi anyqtaldy. Kúdiktiden 30-dan astam birrettik marıhýana dozasy tárkilendi», - deıdi oblystyq PD bastyǵynyń orynbasary Talǵat Shaıahmetov.
Qazirgi ýaqytat er adam ýaqytsha ustaý ızolıatoryna qamaýǵa alynǵan. QR Qylmystyq kodeksiniń 297-baby 1-bóligi boıynsha sotqa deıingi tergeý amaldary júrgizilýde. Ol 10 jylǵa deıingi merzimge bas bostandyǵynan aıyrylýy múmkin.
Aıta keteıik, jyl basynan beri óńir polıtseıleri esirtkige baılanysty 170 qylmysty anyqtaǵan. Nátıjesinde 222 keli túrli esirtki tárkilendi, onyń 3,7 kelisi psıhotroptyq zattar.
