Óskemende esirtki zerthanasy anyqtalyp, 41 jastaǵy turǵyn qamaýǵa alyndy
ÓSKEMEN. KAZINFORM – Óskemen qalasynda esirtki zerthanasy anyqtalyp, 100 keli mefedronnyń satylymǵa shyǵýyna jol berilmedi.
ShQO Polıtsııa departamenti baspasóz qyzmetiniń málimetine súıensek, tártip saqshylary esirtki zerthanasyna aınalǵan jertólede zerthanalyq jabdyqtardy, prekýrsorlardy jáne satýǵa daıyn turǵan asa iri mólsherde sıntetıkalyq esirtki zattaryn tárkiledi.
«Saraptamaǵa sáıkes, tártip saqshylary 1,4 keli mefedron men 1,6 tonna hımııalyq suıyqtyqty tárkilendi. Osylaısha, polıtsııa qyzmetkerleri shamamen 100 keli sıntetıkalyq esirtkiniń óndirisine tosqaýyl qoıdy. Asa iri kólemde esirtkini zańsyz óńdeý, satyp alý, saqtaý jáne óndirý boıynsha qylmystyq is qozǵaldy», - delingen aqparatta.
Esirtki zerthanasynyń jabdyqtaryn jınap, tyıym salynǵan zattardy jasaýmen aınalysqan 41 jastaǵy qala turǵyny ýaqytsha ustaý ızolıatoryna qamaldy. Er adamnyń múlki tárkilenip, 15 jylǵa deıingi merzimge bas bostandyǵynan aıyrylýy múmkin.
