Óskemende esirtki saýdasymen aınalysqan er adamnan 5000-nan astam doza tárkilendi

ÓSKEMEN. KAZINFORM – Shyǵys Qazaqstan oblysynda esirtki jetkizýdiń iri arnasynyń joly kesildi.

Tártip saqshylary kannabıs tobyna jatatyn esirtki quraldarynyń iri jetkizý arnasyn uıymdastyrǵan Óskemen turǵynyn ustady.

- Er adamnyń qala aýmaǵynda tyıym salynǵan zattardy satýmen aınalysqany belgili boldy. Jedel-izdestirý sharalary barysynda odan 20 keliden astam keptirilgen marıhýana tárkilendi. Bul 5000-nan astam birrettik dozaǵa teń, - delingen oblystyq polıtsııa departamenti taratqan aqparatta.

Qazirgi ýaqytta qylmystyq árekettiń barlyq mán-jaıyn anyqtaýǵa baǵyttalǵan tergeý amaldary júrgizilip jatyr. 

Osy rette, quqyq qorǵaý organdary azamattardy esirtkiniń zańsyz aınalymyna qatysty kez kelgen málimet týraly dereý habarlaýǵa shaqyrdy. 

Eske salsaq, buǵan deıin BQO-da aýyl turǵyny úıinde esirtki zerthanasyn jasaǵany habarlanǵan.