Óskemende esirtki jarnamalaıtyn 50-den astam graffıtı-sýret joıyldy

ÓSKEMEN. QazAqparat – Óskemen qalasynda polıtsııa qyzmetkerleri esirtki jarnamalaıtyn 50-den astam graffıtı-sýretti joıdy, dep habarlaıdy QazAqparat.

ShQO Polıtsııa departamenti baspasóz qyzmetiniń málimetine súıensek, esirtki qylmysyna qarsy kúres basqarmasynyń qyzmetkerleri «VIKINDA» qoǵamdyq qorynyń jáne ShQO Densaýlyq saqtaý basqarmasynyń ókilderimen birlesip, nashaqorlyqtyń aldyn alý jáne psıhotroptyq zattardyń taralýyn boldyrmaý maqsatynda Óskemen qalasynyń kóshelerinde reıd júrgizdi.

«Shahardaǵy túrli ǵımarattar men turǵyn úılerdi aralaý kezinde sıntetıkalyq psıhotroptyq zattardy satatyn saıttar kórsetilgen 50-den astam graffıtı-sýret anyqtalǵan. Tártip saqshylary birden graffıtı-sýretterdi joıdy», - dedi ShQO PD bastyǵy Saǵat Mádıev.

Onyń aıtýynsha, osyndaı reıdtter únemi júrgizilip otyrady.