Óskemende esirtki taratýmen aınalysqan eki adamnan 48 býma psıhotroptyq zat tárkilendi
ShQO polıtsııa departamenti baspasóz qyzmetiniń málimetine súıensek, «Refleks» jedel-aldyn alý sharasy barysynda esirtki taratýmen aınalysqan eki adam ustaldy.
Belgili bolǵandaı, kúdiktilerdiń biri áli kámelet jasyna tolmaǵan.
«Tártip saqshylary tintý júrgizgende ustalǵandardan elektr taspasyna oralǵan 48 býma tárkilengen. Saraptama kórsetkendeı, onyń ishinde salmaǵy 20 gramnan asatyn «Alfa-pırrolıdınovalerofenon» psıhotroptyq zaty bolǵan. Qazirgi ýaqytta jasóspirim úı qamaǵynda, al onyń sybaılasy ýaqytsha ustaý ızolıatoryna qamaldy», - delingen aqparatta.
Atalǵan fakti boıynsha QR QK-niń 297-baby 3-bóligi (Esirtki quraldaryn, psıhotroptyq zattardy, olardyń analogtaryn ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý ne ótkizý) boıynsha sotqa deıingi tergeý bastaldy.
Kúdiktiler 15 jylǵa deıingi merzimge bas bostandyǵynan aıyrylýy múmkin.
Foto: polisia.kz
