Óskemende esirtki arnasyn uıymdastyrǵan ózbekstandyq ustaldy
ShQO Polıtsııa departamenti baspasóz qyzmetiniń málimetine súıensek, tártip saqshylary aımaqqa sıntetıkalyq jáne psıhotroptyq esirtkilerdi jetkizý arnasynyń jolyn kesý boıynsha arnaıy operatsııa ótkizdi.
Belgili bolǵandaı, esirtkini ótkizý maqsatynda jastardy jumysqa tartý úshin Óskemen qalasyna 26 jastaǵy Ózbekstan azamaty kelgen. Qazirgi ýaqytta ol qolǵa túsirildi. Tintý barysynda odan salmaǵy 500 gramnan asatyn «Alfa-PVP» psıhotropty zat tárkilendi.
«Kúdiktige qatysty QR QK-niń 297-baby 3-bóligine sáıkes sotqa deıingi tergeý amaldary júrgizilip jatyr. Sot sanktsııasymen er adam qamaýǵa alyndy. Qabyldanǵan sharalar nátıjesinde sıntetıkalyq esirtkiniń 1 600-den astam bir rettik dozasynyń zańsyz aınalymǵa túsýine jol berilmedi», - dedi oblystyq PD bastyǵynyń orynbasary Talǵat Shaıahmetov.
