Óskemende esepshi 3 jyl boıy áriptesiniń zeınetaqy aýdarymdaryn ıelenip kelgen

ÓSKEMEN. QazAqparat – Óskemen qalasynda esepshi áriptesiniń zeınetaqy aýdarymdarynan 1 mln teńge ıelengen, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, 55 jastaǵy qala turǵyny birneshe jyl boıy zeınetaqy jınaǵyna aqsha túspeı kele jatqanyn bilmeı kelgen. Materıaldardy tekserý barysynda tártip saqshylary alaıaqtyq jasaý faktisin anyqtady.

«47 jastaǵy esepshi 2019 jyldyń qarasha aıynan bastap 2022 jyldyń mamyr aıyna deıingi aralyqta óz paıdasyn kózdep, jábirlenýshiniń zeınetaqy qoryna jalpy somasy 1 000 000 teńge aýdarmaǵan. Krımınaldyq polıtsııa qyzmetkerleriniń jedel áreketteriniń nátıjesinde kúdikti polıtsııa bólimine jetkizildi. Qazirgi ýaqytta ol óz kinásin moıyndap otyr», - delingen aqparatta.

Kúdiktige qatysty QR QK-niń 190-baby 1-bóligimen sotqa deıingi tergeý amaldary júrgizilip jatyr.