Óskemende Ertistiń boıynda ólgen úırekter tekserilip jatyr
ÓSKEMEN. QazAqparat - Óskemendik ekologtar Ertistiń boıynda úırekterdiń qyrylý sebebin zertteýde, dep habarlaıdy QazAqparat tilshisi.
Aqpannyń sońǵy aptasynda Ertistiń jaǵalaýynan birneshe úırektiń óligi tabylǵan bolatyn. Qustardyń neden ólgenin anyqtaýǵa ekologtar aralasty.
Óskemen qalalyq veterınarııa bólimi úırekterdiń óligin de saraptamadan ótkizgen eken.
«Oblystyq veterınarlyq zerthana óli úırekterge hımııalyq-toksologııalyq zertteý júrgizdi. Aǵzadaǵy nıtrat, nıtrıt, ıon, hlor, alkoloıd mólsheri normaǵa saı ekeni anyqtaldy. ıAǵnı úırekter esh nárseden ýlanbaǵan. Olardyń ólimine osydan bir aı buryn baıqalǵan munaı daqtarynyń qatysy joq deýge tolyq negiz bar», - deıdi qalalyq veterınarııa bóliminiń basshysy Serikhan Kúdebaev.
Ekologtar oqıǵanyń sebebin anyqtaý úshin jergilikti ornıtologtardy da kómekke shaqyrypty. Olardyń aıtýynsha, baryldaýyq úırekter ashtyqqa tózimdi keledi. Kún raıynyń asa sýyq emestigin eskere kele, olardyń ashtyqtan ólýi múmkin eemes ekenin aıtyp otyr.
«Baryldaýyq úırekter úsh apta boıy ashqursaq júre alady. Onyń ústine Ertistiń sýynda ashtan ólý tipten múmkin emes. Ózen deńgeıi tómendegen kezde úırekter muz betinde túneıdi. Tas pen muzǵa denesi jabbyssa da jyljymaıdy. It nemese adamnan úrkip, tura umtylǵanda qaryn júni sydyrylyp qalýy múmkin. Osy tustan sýyq ótip óldi dep oılaımyn, - deıdi ornıtolog Sergeı Starıkov.
Ázirge túrli boljamdar aıtylǵanmen, naqty sebep belgisiz. Ekologııalyq qaýipsizdik ortalyǵynyń dırektory Gennadıı Koreshkov bul oqıǵanyń sebebi anyqtalǵansha zertteýler tyıylmaıtynyn aıtady.
«Sýdyń quramyn zertteý jumystary áli aıaqtalǵan joq. Onyń ústine naqty neshe úırektiń ólgeni de belgisiz. Muny úırekterdiń jappaı qyrylýy dep ataý durys pa, joq pa, ol jaǵy da belgisiz. Ázirge naqty túsinik berýge erte», - deıdi ekolog.
