Óskemende Ertis sýy túsiniń ózgerýine baılanysty tekserý bastaldy

ÓSKEMEN. QazAqparat – Óskemen qalasynda Ertis sýy túsiniń ózgerýine baılanysty tekserý júrgizilip jatyr, dep habarlaıdy QazAqparat tilshisi.

Kesheli beri buqaralyq aqparat quraldarynda jáne áleýmettik jelilerde Óskemendegi Ertis sýy túsiniń ózgergeni jaıly túsirilgen vıdeo taratady. Vıdeo avtory Ǵashyqtar alleıasy tusyndaǵy Ertis arnasy sýynyń aǵaryp ketkenin kórsetip, odan jaǵymsyz ıis shyǵyp turǵanyn aıtady.

Osyǵan oraı QazAqparat tilshisi Shyǵys Qazaqstan oblystyq Ekologııa departamentine habarlasyp kórdi.

«Atalǵan fakti boıynsha departament mamandary sol jerge baryp, sýdan synama aldy. Qazirgi ýaqytta saraptama jumystary júrgizilip jatyr. Sýdyń túsi neden ózgerip ketkeni saraptama nátıjesinen keıin belgili bolady», - dedi departamenttiń baspasóz hatshysy Olga Elchınskaıa.

Eske salsaq, osyǵan deıin ShQO-da ekologtar turǵyndar narazylyǵyn týǵyzǵan shoshqa fermasyn teksergenin habarlaǵan edik.