Óskemende Ertis sýy kóteriledi
ÓSKEMEN. QazAqparat - Erteń, 25 qazanda Óskemen sý elektr stantsııasy ýaqytsha sý deńgeıin kóteredi, dep habarlaıdy «QazAqparat» HAA tilshisi.
Bul týraly qalalyq TJ basqarmasy «Sý resýrstaryn paıdalanýdy retteý jáne qorǵaý jónindegi Ertis basseındik ınspektsııasy» MM-iniń aqparatyna silteme jasap eskertti.
Sý deńgeıin joǵarylatý saǵat 17-ge deıin, ıaǵnı 9 saǵatqa sozylady. Osyǵan baılanysty, TJ qyzmeti sýqorǵaý aımaǵynda turatyn azamattarǵa qaýipsizdik maqsatynda kólikterin sý qoımasy mańyna qoımaýǵa, sýdan buzylýy múmkin baǵaly zattary men jıhazdaryn joǵary qabattarǵa nemese úı tóbesine shyǵarýǵa keńes berdi.
