Óskemende Ertis ózenine aǵyp bara jatqan jigit qutqaryldy
ÓSKEMEN. QazAqparat - Óskemende Ertis ózenine batyp bara jatqan jigit qutqaryldy, dep habarlaıdy QazAqparat oblystyq tótenshe jaǵdaı departamentine sliteme jasap.
Vedomstvonyń málimetinshe, qaladaǵy ystyq aýa raıy halyqtyń jappaı ózen-kólge shomylýyna túrtki bolyp otyr. Kóp adamdar ruqsat etilmegen, arnaıy jabdyqtalmaǵan jerlerde shomylady.
1991 jyly týǵan jigit Ertis ózeninde júzip júrgen. Bir kezde qatty aǵysqa tap bolyp, oǵan qarsy turýǵa shamasy jetpeı, ózen boıymen aǵa jónelgen.
«Onyń kúshi taýsylyp, óz betinshe jaǵaǵa júzip jete almaǵan. Jaǵalaýda Óskemen qalasynyń qutqarý stansasy bar edi. Stansadaǵy qyzmetkerler sýda tyrbańdap, ne isterin bilmeı abdyraǵan adamdy baıqap, kómekke umtyldy. Bireýi ózendegi jigitke qaraı júgirse, qalǵany qutqaratyn quraldar men katerdi jaǵalap ketti. Qala turǵynynyń janyna júzip jetken qutqarýshy ony jaǵalaýǵa jetkizdi» dep málim etti departamenttiń baspasóz qyzmeti.
Aıta keteıik, qutqarylǵan adam medıtsıtsınalyq kómekti qajet etken joq.
