Óskemende Ertis ózeninde aǵyn alyp ketken er adam qutqaryldy
ShQO Tótenshe jaǵdaılar departamenti baspasóz qyzmetiniń málimetine súıensek, Óskemendegi «Vostochnık-3» saıajaı qoǵamdastyǵy aýmaǵyndaǵy Ertis ózeninde adamdy aǵyn alyp ketkenin baıqap qalǵan kýágerler birden qutqarýshylarǵa habar berdi. Oqıǵa ornyna TJD jedel-qutqarý jasaǵynyń qyzmetkerleri qaıyqpen shyqty.
«Er adam sýdan qolyn shyǵaryp, butalardan ustap úlgerip qalǵan. Qutqarýshylar sol jerge shuǵyl túrde jetip, 36 jastaǵy azamatty alyp shyqty. Sodan keıin qutqarý stantsııasyna jetkizip, jedel járdem dárigerlerine tapsyrdy», - delingen aqparatta.
Osy rette, qutqarýshylar turǵyndarǵa qaýipsizdik erejelerin eske salady:
- Jabdyqtalmaǵan orynda shomylýǵa bolmaıdy.
- Sýǵa mas kúıinde túsýge tyıym salynǵan.
. Kúshińizdi asyra baǵalamańyz, alysqa júzbeńiz.