Óskemende erteńnen bastap tramvaılar júrmeıdi

ÓSKEMEN. KAZINFORM – Óskemen qalasynda tramvaılar 3 kúnge toqtaıdy.

25 sáýirden bastap qaladaǵy relsterdi jóndeý jumystaryna baılanysty tramvaı qozǵalysy toqtatylady. Bul týraly «Óskemen qalasynyń kólik kompanııasy» JShS-dan habarlady.

- Úlbi kópirinen shyǵatyn joldardaǵy tramvaı relsterin aýystyrý jumystaryna baılanysty 25 sáýir saǵat 19:00-den 27 sáýirge deıin tramvaılar júrmeıdi. Turǵyndardan túsinistik tanytýlaryn suraımyz, - delingen aqparatta.

Aıta keteıik, búginde Óskemende 23 tramvaı bar. Úsh baǵyt boıynsha qatynaıtyn tramvaılar kún saıyn 9 myńǵa jýyq adamdy tasymaldaıdy.

Eske salsaq, osyǵan deıin Óskemende 80-nen asqan qarttar tramvaıda qaıta tegin júretin bolǵany jaıly habarlaǵan edik.