Óskemende erteńnen bastap tramvaılar túgeldeı kondýktorsyz qatynaıdy

Óskemen qalasynda jeltoqsan aıynan bastap tramvaılar túgeldeı kondýktorsyz júredi, dep habarlaıdy Kazinform. 

«Óskemen kólik kompanııasy» JShS málimetine súıensek, 1 jeltoqsannan bastap tramvaılarda kandýktorlar bolmaıdy.

«Tramvaı jolaýshylary jol aqysyn QR-kodpen, kartamen valıdator arqyly nemese jolaqysyn júrgizýshige qolma-qol berip tóleı alady. Taldaý barysynda belgili bolǵandaı, sońǵy alty aıda jolaýshylardyń 51%-y aqyny Kaspi.kz mobıldi qosymshasy arqyly tólegen. Al 32-35%-y kartamen valıdator arqyly tólese, 15-17%-y qolma-qol aqsha berdi», - delingen aqparatta.

Sondaı-aq baqylaý júrgizý úshin kontrollerler kún saıyn jelide jumys isteıdi. Jol aqysyn tólemegenderge zań sheńberinde aıyppul salynady.