Óskemende erteńnen bastap tramvaı qozǵalysy shekteledi
ASTANA. QazAqparat - Óskemendegi tramvaılardyń qozǵalysy shektelip, olardyń ornyna qosymsha avtobýstar shyǵarylady, dep habarlaıdy «QazAqparat» HAA tilshisi Óskemen qalasy ákiminiń baspasóz hatshysy Ásem Seksenovaǵa silteme jasap.
Osyǵan deıin belgili bolǵandaı, «Shyǵysenergotreıd» JShS tramvaı parkiniń 62 mıllıon teńge qaryz ekenin habarlaǵan bolatyn. Eger bul soma 22 qarashaǵa deıin ótelmese, energetıkter 22 qarashada parkti elektrmen qamtýdy shekteıtinin málim etken.
««Shyǵysenergotreıd» JShS osy aıda qaryz kompanııanyń 500 myń teńgeni ǵana ótegenin habarlady. Al qaladaǵy tramvaılardyń júrip turýy úshin shamamen 4-5 mln teńge kerek. Osylaısha, erteń saǵat 10:00 bastap 16:00-ge deıin tramvaılardyń qozǵalysy úshin elektr taratý shekteletin bolady», - deıdi «Shyǵysenergotreıd» JShS bas dırektorynyń orynbasary Mstıslav Martemıanov.
Elektrdi shaqtap berý sharasy qaryz ótelgenshe jalǵasa bermek.
Óz tarapynan qalalyq ákimdik óskemendikterdi qajetti qoǵamdyq kóliktermen qamtamasyz etý úshin qosymsha sharalar jasap jatyr.
«TÚKSh bólimi men Jolaýshylardy tasymaldaý basqarmasynyń ortalyǵy №3 jáne №4 tramvaılardyń qozǵalysy boıynsha qajetti sharalardy jasaıdy. Osylaısha, erteńnen bastap №27 avtobýstyń baǵdary ózgerip, jańadan №15 avtobýs qalalyqtarǵa qyzmet kórsete bastaıdy», - dep habarlaıdy Ásem Seksenova.
Eki avtobýs tramvaılardyń qozǵalysy shektelgen ýaqytta halyqqa qyzmet kórsetetin bolady.
