Óskemende erkin kúresten jastar arasynda chempıondar anyqtalýda
ALMATY. 2 aqpan. QazAqparat /Erlik Erjanuly/ - Óskemende erkin kúresten 1992-1994 jyldary týǵan jastar arasynda ótip jatqan Qazaqstan chempıonatynda keshe alǵashqy 4 salmaqtaǵy úzdikter belgili boldy.
31 qańtarda bastalǵan bul dúbirli dodada 50 kelide almatylyq Nurlan Turǵan chempıon atandy. Mundaı mártebege 60 kelide jambyldyq Meıirjan Áshirov, 74 kelide shyǵysqazaqstandyq Ábýbákir Torǵaev, 96 kelide ońtústikqazaqstandyq Ermuhambet Іńkár de ıe boldy. Onda Almaty qalasy men Jambyl jáne Ońtúsik Qazaqstan oblystarynda bir-birden altyn medal; Shyǵys Qazaqstan oblysynda - 1 altyn, 1 qoladan; Aqmola men Qyzylorda oblystarynda 1 kúmis, 1 qoladan; Astana qalasy men Qostanaı oblysynda bir-bir kúmisten; Aqtóbe men Pavlodar oblystarynda - eki-eki qoladan, al Qaraǵandy oblysynda 1 qola júlde bar.
Búgin endi - 55, 66, 84 jáne 120 keli salmaqtaǵy jeńimpazdar anyqtalady. Jastar quramasynyń aǵa jattyqtyrýshysy Manarbek Qystaýbaevtyń aıtýynsha, bul jarystyń qorytyndysy boıynsha 31 mamyr men 3 maýsym aralyǵynda Almatyda ótetin Azııa chempıonatynda el namysyn qorǵaıtyn komanda jasaqtalmaq.
