Óskemende er adamdy kólik qaǵyp, mert qyldy
ÓSKEMEN. QazAqparat - Óskemen qalasynda Sátbaev dańǵylymen kele jatqan júrgizýshi kólikke janarmaı quıý stansasynyń janynda 61 jastaǵy jaıaý júrginshini qaǵyp ketti. Er adam oqıǵa ornynda kóz jumdy, dep habarlaıdy «QazAqparat» HAA tilshisi.
«Jedel-izdeý sharalaryn ótkizý kezinde polıtseıler jol apaty ornynan qashyp ketken júrgizýshini anyqtap, ustady. Ol 57 jastaǵy jergilikti turǵyn bolyp shyqty. «Volkswagen» markaly kóliktiń júrgizýshisine qatysty jol-kólik oqıǵasy jáne oqıǵa ornynan qashyp ketý faktisi boıynsha sot aldyndaǵy tergeý amaldary bastaldy», - dep habarlady ShQO polıtsııasy departamentiniń baspasóz qyzmetinen.
