Óskemende er adamdy uryp óltirip, máıitin aýrýhanaǵa tastap ketkender ustaldy

ÓSKEMEN. KAZINFORM – Óskemen qalasynda er adamǵa jabylyp, sabap óltirgenderge qatysty qylmystyq is qozǵaldy.

Belgili bolǵandaı, jigitter arasynda janjal shyǵyp, sońy tóbeleske ulasqan. Sol kezde birnesheýi bir jigitke jabyla jóneldi. Ony uryp óltirgen soń máıitin Abaı dańǵylyndaǵy aýrýhana mańyna tastap ketken.

ShQO Polıtsııa departamenti baspasóz qyzmetiniń málimetine súıensek, kúdiktiler ustaldy.

Atalǵan fakti boıynsha qylmystyq is qozǵaldy. Jedel-izdestirý sharalary barysynda polıtsııa qyzmetkerleri kúdiktilerdi qolǵa túsirdi. Olar ýaqytsha ustaý ızolıatoryna qamaýǵa alynǵan. Qazir qylmystyń barlyq mán-jaıy men sebepterin obektıvti anyqtaýǵa baǵyttalǵan qajetti tergeý áreketteri júrgizilip jatyr, - delingen aqparatta.

Eske salsaq, osyǵan deıin Almaty oblysynda oqýshy óz synyptasyn óltirdi degen kúdikke ilingeni habarlanǵan.