Óskemende er adam áıeli men enesin óltirip, denesin saıajaıǵa jasyryp qoıǵan
ASTANA. QazAqparat - Óskemende polıtseıler saıajaı ýchaskeleriniń birinen eki áıeldiń máıitin tapty, dep habarlaıdy Altaynews.kz.
"Svetoch" baǵbanshylyq qoǵamy qaraýylynyń aıtýynsha, 28 sáýir kúni saıajaı ıeleriniń biri óziniń jubaıy men enesin óltirip, olardyń denesin jerqoımaǵa tyǵyp qoıǵan. Qaraýylshynyń sózine qaraǵanda, 30 sáýir kúni er kisi polıtseılerge baryp, óziniń qylmysyn moıyndaǵan. Oqıǵa ornyna jedel top jetti.
Shyǵys Qazaqstan oblystyq ІІD ázirge bul oqıǵa jaıly eshqandaı aqparat bermeı otyr. Oqıǵanyń mán-jaıy tergeý barysynda anyqtalady. Kúdiktiniń kámeletke tolmaǵan uly ata-anasynyń qamqorlyǵynsyz qaldy: onyń anasy men ájesi qaza tapsa, ákesi - tergeý oqshaýlaǵyshynda.
