Óskemende er adam araqqa aqsha tabý úshin dúkendi tonady
ÓSKEMEN. QazAqparat - Óskemende dúkenge jasalǵan qaraqshylyq shabýylǵa qatysty sotqa deıingi tergep-tekserýler bastaldy, dep habarlaıdy QazAqparat tilshisi.
Polıtseılerdiń aıtýynsha, Óskemen qalasynyń Ertis polıtsııa bóliminiń kezekshi bólimshesine dúken satýshysy habarlasyp, belgisiz er adam pyshaqpen ses kórsetip, kassadan 80 myń teńgeni alyp ketkenin aıtqan. Áıeldiń sózine qaraǵanda, ol orta jastaǵy er adam bolǵan.
Oqıǵa ornyna shuǵyl jetken polıtseıler dúkende vıdeobaqylaý kamerasy isten shyqqandyqtan, satýshynyń aıtýy boıynsha kúdiktiniń kim ekenin joramaldaǵan.
Biraq kóshedegi kameralar jumys istep tur eken. Solardyń kómegimen kúdiktiniń dúkendi tonaǵannan keıingi áreketteri anyqtaldy.
Іzdestirý sharalarynyń nátıjesinde ustalǵan 51 jastaǵy azamat óz kinásin tolyq moıyndady. Anyqtalýynsha, ol tanysymen birge otyryp araq ishken. Ol taýsylǵan soń taǵy da jalǵastyrý úshin aqsha taýyp kelmek bolǵan.
Kúdikti tergeý oqshaýlaǵyshyna jiberilip, oǵan qatysty sotqa deıingi tergep-tekserýler bastaldy.
Avtory: Lıýdmıla Malko
