Óskemende energetıkter mektepterdi jańǵyrtýǵa qomaqty qarjy bóldi
ÓSKEMEN. QazAqparat - Shyǵys Qazaqstan oblysynyń kásiporyndary «Týǵan jer» aktsııasy aıasynda óńirdegi mektepterge qajetti demeýshilik kómek kórsetý aktsııasyna qatysýda.
Óńirdiń aqparat ortalyǵynyń habarlaýynsha, ortaq iske óz úlesterin «Óskemen jylý jelisi» AQ men onyń ujymy qosqan.
«Óskemen jylý jelisi» AQ bas dırektory Renat Orazbaev bastaǵan ujym qyzmetkerleri aılyq jalaqylarynan bilim berý isine qoldaý kórsetý jóninde sheshim qabyldaǵan.
«Paryz» óńirlik qaıyrymdylyq qoryna kásiporyn 1 mln-nan astam teńge bólgen.
«Týǵan ólkemizdiń damýyna úles qosý - biz úshin ol úlken jetistik. Shyǵys Qazaqstan oblysynyń oqýshylary halyqaralyq olımpıadalardan júldemen oralyp, elimizdiń atyn shyǵaryp jatsa, biz olarmen árıne, maqtanamyz. Bizdiń urpaǵymyz - bizdiń bolashaǵymyz»,-dedi jelý jelisi kásipornynyń ókilderi.
Óskemende ótken aktsııa oblystaǵy metsenattardyń barlyǵynyń basyn qosty. Aýqymdy joba aıasynda mektepterdi zamanǵa saı qajetti qurylǵylarmen qamtamasyz etý kózdelip otyr.
