Óskemende eń joǵary aýanyń lastanýy tirkeldi
NUR-SULTAN. QazAqparat - Sońǵy kúnderi Óskemende aýanyń zııandy zattarmen lastanýynyń eń joǵary deńgeıi tirkelip otyr, dep habarlaıdy QazAqparat tilshisi.
«Qazgıdromet» RMK-nyń Shyǵys Qazaqstan oblystyq fılıaly 31 jeltoqsan men 7 qańtar aralyǵynda Óskemen qalasy aýasynyń zııandy zattardyń ruqsat etilgen shekti deńgeıinen asyp ketkendigin tirkedi«, - delingen jergilikti tótenshe jaǵdaılar departamentiniń baspasóz qyzmeti taratqan aqparatta.
Vedomstvo málimetinshe, kómirtektiń totyǵýy 1,8-ge, azot dıoksıdi 1,6-ǵa, kúkirt dıoksıdi 5,7-ge, kúkirtti sýtek 20,4-ke deıin jetken.
Sonymen qatar taratylǵan aqparatta 3-9 qańtar aralyǵynda oblys ortalyǵynda, Rıdder qalasynda jáne Jańa Buqtyrma aýylynda aýa temperatýrasy tómendeıtindigi aıtylǵan.
