Óskemende emdeý mekemesiniń aýmaǵynan qaýipti medıtsınalyq qaldyqtar tabyldy
ASTANA. QazAqparat - Qaýipti zatty 12 sáýir kúni reıd júrgizip júrgen ekologııalyq kúzet ókilderi tapty. Dáke tańǵyshtar, dárilik zattardyń bótelkeleri men qaptamalary turmystyq qoqyspen aralasyp jatqan, dep habarlaıdy YK-news.kz.
Eske sala keteıik, Ekologııalyq qaýipsizdik ortalyǵy (EQO) sáýir aıynyń basynan bastap kún saıyn qalany sholyp, kishi kásiporyndardy, qazandyqtardy, qoǵamdyq tamaqtaný oryndaryn, avtokólikterdiń lastanýy men ózenderdiń jaǵdaıyn tekserip otyratyn jobany bastady.
Ekologııalyq patrýl oblystyq týbdıspanserdiń aýmaǵynan medıtsınalyq qaldyqtarǵa nemquraıly qaraý áreketteriniń izin tapty.
Ekologııalyq qaýipsizdik ortalyǵynda túsindirgendeı, tabylǵan qoqystar «A» jáne «B» synybyndaǵy medıtsınalyq qaldyqtarǵa jatady.
Qoqystyq kim tastaǵany jáne kimge tıesili ekendigin sáıkes memlekettik qurylymdar anyqtaıdy, dep jazady saıt tilshileri.
