Óskemende elektr jelilerindegi apat saldary joıylyp, úılerge jylý berildi

ÓSKEMEN. KAZINFORM – Óskemen qalasynyń sol jaǵalaý bóligindegi elektr jelilerinde apat boldy.

Elektr qýaty búgin túnde saǵat 03:20-da ajyratylǵan. Sonyń saldarynan Jibek matalar kombınaty yqshamaýdanyndaǵy №2 qazandyqtyń, Ahmer kentindegi №5 qazandyqtyń, Menovnoe kentindegi №6 jáne №7 qazandyqtardyń jumysy ýaqytsha toqtatyldy.

Budan bólek, «Etnopark» tirek sorǵy stantsııasynyń, «Sátbaev» sorǵy stantsııasynyń jáne Metallýrg kentindegi №1, №2 jáne №3 ortalyq jylý pýnktteriniń jabdyqtary elektr qýatynsyz qaldy. 

– Elektrmen jabdyqtaýdyń apatty túrde óshýi jylý jelileriniń gıdravlıkalyq rejıminiń ýaqytsha buzylýyna ákeldi. Elektr energııasy qalpyna keltirilgennen keıin, tańǵy saǵat 10:00-ge qaraı barlyq qazandyq iske qosylyp, júıe parametrleri normatıvtik deńgeıge jetkizildi, - dep habarlady Óskemen qalasy ákimdiginiń baspasóz qyzmetinen.

Qazirgi ýaqytta elektrmen jabdyqtaý tolyq qalpyna keltirildi, úıler jylýmen shtattyq rejımde qamtylǵan. Gıdravlıkalyq rejımdi qalpyna keltirý jumystary aıaqtaldy.

Eske salsaq, osyǵan deıin Qyzylordada jylý maýsymynda 55 órt tirkelgeni habarlanǵan.