Óskemende elektr jelisinde apat bolyp, 2 myńǵa jýyq úı jaryqsyz qaldy

ÓSKEMEN. QazAqparat – Óskemen qalasynda elektr jelisinde apat bolyp, 1800 úı jaryqsyz qaldy, dep habarlaıdy QazAqparat tilshisi.

2 jeltoqsan kúni saǵat 12:00 shamasynda Óskemendegi birneshe kóshe jaryqsyz qalǵan.

Belgili bolǵandaı, buǵan «Birikken EnergoServıstik Kompanııasy» AQ-nyń qosalqy stantsııasyndaǵy apat sebep bolyp otyr.

«№25 stantsııada apat boldy. Sonyń saldarynan 1800-ge jýyq abonent jaryqsyz qaldy. Qazirgi ýaqytta sol jerde mamandar jumys istep jatyr. Elektr qýaty birneshe saǵattyń ishinde qalpyna keltiriledi», - delingen kompanııanyń baspasóz qyzmeti taratqan aqparatta.

Eske salsaq, buǵan deıin Óskemendegi jylý elektr ortalyǵynan aqaý shyqqany habarlanǵan bolatyn.