Óskemende «Ekpe alyp, kólik utyp al!» aktsııasy bastalady
ÓSKEMEN. QazAqparat - Óskemen qalasynda 28 maýsymnan «Ekpe alyp, kólik utyp al!» aktsııasy bastalady, dep habarlaıdy QazAqparat tilshisi.
ShQO Aqparat ortalyǵy taratqan málimetke súıensek, vaktsına alǵan 18 jastan asqan Óskemen qalasynyń barlyq turǵyndary avtokólik utys oıynyna qatysa alady.
- Ol úshin barlyq ekpe alǵan azamattar 28 maýsymnan bastap https://vaccine-uk.kz/ saıtynda tirkelýi qajet. Aktsııaǵa jyldyń basynan vaktsına alǵandar qatysa alady. Aty-jónin, uıaly telefon nómirin jáne ekpe alǵan oryndy kórsetkennen keıin, aktsııaǵa qatysýshyǵa alty tańbaly biregeı nómir beriledi. Osy nómir boıynsha bas júlde oınatylady, - delingen habarlamada.
Utys oıyny jalpyǵa birdeı ekpe alý naýqany aıaqtalǵannan keıin áleýmettik jelilerde onlaın translıatsııa arqyly ótedi. Ashyqtyqty qamtamasyz etý maqsatynda utys oıynynyń barlyq kezeńderin qadaǵalaıtyn táýelsiz qoǵamdyq komıssııa qurylmaq.
Sondaı-aq aktsııaǵa Óskemen qalasy ákimi apparatynyń qyzmetkerleri men olardyń otbasy múshelerine qatysýǵa tyıym salynady.
