Óskemende ekologtar sary tústi qarǵa qatysty tekserýdi aıaqtady

ÓSKEMEN. KAZINFORM – Óskemen qalasynda ekologtar sary tústi qar jaýǵany týraly aqparat túsken soń tekserý júrgizdi.

ShQO Ekologııa departamentiniń málimetine súıensek, qar túsiniń ózgergeni týraly habarlamalardan soń qar synamalary alynyp, tıisti zertteýler júrgizildi. 

- Taldaýlar akkredıttelgen zerthanada jasaldy. Zertteý nátıjelerine sáıkes, lastaýshy zattardyń shekti ruqsat etilgen kontsentratsııalarynan asý faktileri anyqtalǵan joq. Aldyn ala málimetter boıynsha, qar túsiniń ózgerýi aýa massalary arqyly shań men qum bólshekteriniń tasymaldanýymen baılanysty, - delingen aqparatta. 

«Qazgıdromet» RMK derekterine sáıkes, 10-11 qańtar aralyǵynda qalada soltústik-batys baǵytta jyldamdyǵy sekýndyna 15-20 metrge deıin jetken jel soqqan. Bul aýaǵadaǵy bólshekterdiń qarǵa taralýyna yqpal etken. 

- Mundaı tabıǵı qubylys buǵan deıin de, naqty aıtqanda 2018 jáne 2021 jyldary tirkelgen. Qazirgi jaǵdaı ýákiletti qyzmetterdiń baqylaýynda. Qorshaǵan ortanyń jaı-kúıine monıtorıng júrip jatyr, - delingen habarlamada. 

Eske salsaq, osyǵan deıin Óskemende ekologter sary tústi qar jaýǵany týraly aqparatty tekserip jatqany habarlanǵan.