Óskemende eki jarym aıdan beri 24 jastaǵy jigit izdestirilýde
ASTANA. QazAqparat - Óskemende Daýn sındromyna shaldyqqan 24 jastaǵy Toqtar Muhtarov izdestirilýde.
Eki jarym aıǵa sozylǵan izdeý jumystary ázirge nátıje bermedi.
Er azamat «Arzan» kóterme saýda marketi aýmaǵynda 10 shilde kúni joǵalǵan. Anasynyń aıtýynsha, Toqtar eshqashan joǵalǵan emes jáne úıge ýaqytyly qaıtyp otyrǵan. Biraq týystary oǵan qońyraý shalǵanda, ol adasyp kentkendigin aıtqan. Jaqyndary ony óz betterimen izdeýge tyrysqan. Toqtar avtobýs aıaldamalary joq jerde turǵanyn aıtqan. Biraq keıin qońyraýǵa er adam jaýap bergen. Beıtanyspen bolǵan qysqa áńgimeden keıin telefon óship qalǵan. Іzdeý jumystarymen polıtseıler men eriktiler aınalysýda.
Eki jarym aı ótkennen keıin izdestirý jalǵasýda. ShQO ІІD-niń baspasóz qyzmetinen málim etkendeı, ázirge esh nátıje joq.
Toqtardyń týystary úmitterin úzbeı, ony óz kúshterimen izdep-tabýǵa tyrysýda.
«Men oǵan kúnde qońyraý shalamyn. Ózim birinshi toptyń múgedegimin. Ne isteı alamyn. Qolymyzdan kelgenshe izdep jatyrmyz. Biraq ázirge jańalyq joq», - deıdi jigittiń anasy Janjagúl Seıitovna kózine jas alyp.
