Óskemende eki jańa emhana boı kóteredi
ÓSKEMEN. QazAqparat – Óskemen qalasynda eki jańa emhana ashylmaq, dep habarlaıdy QazAqparat tilshisi.
ShQO Densaýlyq saqtaý basqarmasy baspasóz qyzmetiniń málimetine súıensek, Óskemende eki jańa medıtsınalyq mekeme boı kóteredi. Bundaǵy maqsat – halyqqa medıtsınalyq qyzmetterdiń qoljetimdiligin arttyrý.
«Jańa emhanalardyń biri Protozanov kóshesinde ornalasady. Qazirgi ýaqytta sol jaqta bos turǵan ǵımaratty jóndeý jumystary bastalyp ketken. Bul jerde 3 jyl buryn sút ónimderin jasaıtyn mekeme boldy. Endi onyń ornyna emhana ashylady. Osylaısha, bul kóshede turatyn halyq alysqa sabylmaı sonda baryp, dárigerlerge qaralýyna jaǵdaı jasalady», - deıdi basqarma basshysy Ermek Omarbekov.
Al ekinshi emhana Ertistiń sol jaǵalaýyndaǵy burynǵy teri-venerologııalyq dıspanseriniń ornyna ashylady. Eski ǵımaratqa kúrdeli jóndeý jumystaryn júrgizý josparlanyp otyr.
