Óskemende eki sýdıa men qorǵaýshy para alǵany úshin sottaldy

ÓSKEMEN. QazAqparat – Qazaqstan Respýblıkasy Memlekettik qyzmeti isteri jáne sybaılas jemqorlyqqa qarsy is-qımyl agenttigi Shyǵys Qazaqstan oblysy boıynsha departamenti buǵan deıin Óskemen qalasynyń №2 sotynyń sýdıasy G.Qaıroldınge, Óskemen qalasynyń mamandandyrylǵan tergeý sotynyń keńse meńgerýshisi K.Baıtemirovaǵa jáne qorǵaýshy S.Oqasovaǵa qatysty sotqa deıingi tergeý amaldaryn aıaqtaǵan edi, dep habarlaıdy QazAqparat vedomstvonyń baspasóz qyzmetine silteme jasap.

«Qaıroldına Baıtemirovanyń astyrtyn kómek berýi arqyly jáne Oqasovanyń arandatýymen sottalýshy jasaǵan qylmysyn jeńildetý jáne jazadan bosatý úshin Pýgaevtan para alǵan. 20 tamyz kúni ShQO Glýbovskıı aýdandyq sotynyń úkimimen Qaıroldına jáne Oqasov sot zalynda tutqynǵa alynyp, sáıkesinshe 5 jáne 4 jylǵa sottaldy, al Baıtemirovaǵa qatysty 5 jyl keıinge shegerýmen 2 jyl 6 aıǵa bas bostandyǵynan aıyrý jazasy kesildi», - delingen habarlamada.

Vedomstvoda atap ótkendeı, sottalýshylar ómir boıy memlekettik qyzmette jumys isteý quqyǵynan aıyryldy.