Óskemende eki avtomatty stantsııada ozon quramy ólshenedi
ÓSKEMEN. QazAqparat – Óskemende eki avtomatty stantsııada ozon quramy ólshenedi, dep habarlaıdy QazAqparat «Qazgıdromet» RMK-nyń málimetterine silteme jasap.
Kásiporyn taratqan málimetterge qaraǵanda, Fın meteorologııalyq ınstıtýty júrgizgen áleýmettik-ekonomıkalyq zertteýler baǵdarlamasynyń (budan ári - ÁEZB) usynymdary negizinde «Qazgıdromet» RMK Qazaqstannyń qalalary men eldi mekenderiniń atmosferalyq aýasyndaǵy ozon quramy monıtorınginiń baqylaý jelisin keńeıtý boıynsha jumys júrgizdi.
2021 jylǵy 1 qańtardan bastap ozon Óskemen qalasynda L.Tolstoı kóshesi 18 jáne Shákárim dańǵyly 79 mekenjaılary boıynsha ornalasqan atmosferalyq aýa sapasyn baqylaıtyn eki avtomatty stantsııada ólshenedi.
Ozonnan basqa, atalǵan stantsııalarda avtomaty rejımde RM-2,5 jáne RM-10 kontsentratsııalaryn ólsheý jumystary júrgiziledi.
ÁEZB usynymdaryna sáıkes, aýadaǵy qandaı da bir lastaýyshty anyqtaıtyn stantsııalar sany halyq sanyna baılanysty. Mysaly, Óskemen qalasy úshin (346 myń adam) RM-2,5 jáne RM-10 qalqyma bólshekteriniń monıtorıng stantsııalarynyń eń az sany 2 birlikti quraıdy; ozon – 1 stantsııa.
Qazirgi ýaqytta «Qazgıdromet» RMK Óskemen qalasynda atmosferalyq aýa sapasyna tolyqqandy monıtorıng júrgizýde, alaıda joǵary ekologııalyq júktemeni, ónerkásiptik obektilerdiń kóp sanyn, halyqtyń aýa sapasyna jáne jıi kezdesetin aýrýlarǵa degen kóptegen shaǵymdaryn eskere otyryp, «Qazgıdromet» RMK aǵymdaǵy 2021 jyly atmosferalyq aýa sapasynyń qosymsha 3 avtomatty stantsııasyn satyp alýdy, sondaı-aq qoldanystaǵy 5 synamalardy qolmen irikteý beketin avtomattandyrýdy josparlap otyr.
Jańa stantsııalar RM-2,5, RM-10 qalqyma bólshekteri, kómirtek oksıdi, azot oksıdi jáne dıoksıdi, kúkirtsýtek jáne kúkirt dıoksıdi datchıkterimen jabdyqtalady.
«Osylaısha, 2021 jyldyń sońyna qaraı Óskemen qalasynda RM-2,5 jáne RM-10 qalqyma bólshekterin anyqtaıtyn 10 stantsııa jumys isteıtin bolady»,-delingen habarlamada.
