Óskemende eki adamdy órtten qutqarǵan áıel marapattaldy
ASTANA. QazAqparat - Búgin Shyǵys Qazaqstan oblystyq tótenshe jaǵdaılar departamenti Merýert Temirbaevany «Órtte kórsetken qaısarlyǵy úshin» medalimen marapattady. Óskemen turǵyny mundaı joǵary nagradany bıyl naýryzdyń basynda «Metallýrg-3» baǵban qoǵamdastyǵynda bolǵan órt kezinde eki adamdy qutqarǵany úshin aldy, dep habarlaıdy QazAqparat Óskemen qalalyq TJB-ǵa silteme jasap.
Merýert Temirbaeva qutqarýshylar kelgenin kútpesten janyp jatqan órttiń arasynan 2013 jylǵy balany alyp shyǵyp, búldirshinniń anasyna qaýipti aımaqtan shyǵýǵa kómektesken.
Batyl áıel tez arada jedel járdem shaqyrǵan. Olar kúıik shalǵan zardap shegýshilerdi balalar aýrhanasynyń jansaqtaý bólimine jáne №1 qalalyq aýrýhanaǵa aýyr halde jetkizgen.
Qazaqstan Respýblıkasy Іshki ister mınıstriniń buıryǵymen Merýert Temirbaeva «Órtte kórsetken qaısarlyǵy úshin» medalimen marapattaldy.
